Cofnodion - Y Pwyllgor Busnes

Lleoliad:

Remote - Digital

Dyddiad: Dydd Mawrth, 4 Gorffennaf 2023

Amser: 09.00 - 10.17
 

Yn bresennol

 

<AI1>

1       Cyflwyniad, ymddiheuriadau a dirprwyon

Croesawodd y Cadeirydd yr Aelodau'r i'r cyfarfod. Croesawodd y Llywydd Heledd Fychan i'w chyfarfod cyntaf fel aelod o’r Pwyllgor Busnes a diolchodd i Siân Gwenllian am ei chyfraniad at waith y Pwyllgor.

</AI1>

<AI2>

2       Cofnodion y cyfarfod blaenorol

Cytunwyd ar gofnodion y cyfarfod blaenorol i’w cyhoeddi

</AI2>

<AI3>

3       Trefn Busnes

</AI3>

<AI4>

3.1   Busnes yr wythnos hon

Dydd Mawrth

 

• Caiff y Cyfnod Pleidleisio ei gynnal fel yr eitem olaf o fusnes.
• Nid yw'r Cyfarfod Llawn yn debygol o fynd y tu hwnt i 18.35.

 

Rhoddodd y Trefnydd wybod i’r Rheolwyr Busnes mai hi fydd yn ateb y Cwestiynau i’r Prif Weinidog heddiw yn lle’r Prif Weinidog.  

 

Cytunodd y Pwyllgor Busnes i gynnig bod y Senedd yn ethol yr Aelodau a ganlyn i bwyllgorau, ac i'r cynigion gael eu trafod yn dilyn y Datganiad a Chyhoeddiad Busnes:

 

-          Mabon ap Gwynfor i gymryd lle Rhun ap Iorwerth ar y Pwyllgor Iechyd a Gofal Cymdeithasol

-          Heledd Fychan i gymryd lle Sioned Williams ar y Pwyllgor  Plant, Pobl Ifanc ac Addysg

-          Luke Fletcher i gymryd lle Mabon ap Gwynfor ar y Pwyllgor Llywodraeth Leol a Thai

-          Llyr Gruffydd i gymryd lle Heledd Fychan ar Bwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol

-          Adam Price i gymryd lle Peredur Owen Griffiths ar y Pwyllgor Ddeddfwriaeth, Cyfiawnder a’r Cyfansoddiad

-          Peredur Owen Griffiths i gymryd lle Luke Fletcher ar y Pwyllgor Deisebau

-          Adam Price i gymryd lle Mabon ap Gwynfor ar y Pwyllgor Cyfrifon Cyhoeddus

 

Dydd Mercher

 

Tynnodd y Llywydd sylw at y newid a ganlyn:

 

• Cynnig i nodi’r adroddiad blynyddol ar Gynllun Ieithoedd Swyddogol Comisiwn y Senedd ar gyfer 2022 – 23 (30 munud) Gohiriwyd tan 20 Medi

 

• Caiff y Cyfnod Pleidleisio ei gynnal cyn y Ddadl Fer.
• Nid yw'r Cyfarfod Llawn yn debygol o fynd y tu hwnt i 19.10.

 

</AI4>

<AI5>

3.2   Amserlen busnes y Llywodraeth ar gyfer y tair wythnos nesaf

Rhoddodd y Trefnydd wybod i’r Rheolwyr Busnes y byddai angen gohirio'r ddadl Cyfnod 3 ar Fil Caffael y Gwasanaeth Iechyd (Cymru) o 11 Gorffennaf tan dymor yr hydref, am fod angen cyflwyno gwelliannau yn sgil y newidiadau i'r Bil Caffael yn San Steffan.

 

Yn gysylltiedig â hynny, tynnodd y Trefnydd sylw'r Rheolwyr Busnes at y newidiadau a ganlyn:

 

Dydd Mawrth 11 Gorffennaf 2023

 

·         Datganiad gan y Gweinidog Newid Hinsawdd: Adolygiad Annibynnol ac adroddiadau 2020-21 Cyfoeth Naturiol Cymru ar lifogydd (30 munud) – Gohiriwyd tan 12 Medi

·         Dadl: Adroddiad Blynyddol Llywodraeth Cymru – cyflawni blaenoriaethau a rhaglen ddeddfwriaethol y llywodraeth Amcanion Polisi a Rhaglen Ddeddfwriaethol Llywodraeth Cymru – adroddiad blynyddol Llywodraeth Cymru (60 munud) Ailenwyd

·         Dadl: Bil Caffael y Gwasanaeth Iechyd (Cymru) (60 munud) Gohiriwyd

 

Dydd Mawrth 12 Medi 2023

 

·         Datganiad gan y Gweinidog Newid Hinsawdd: Adolygiad Annibynnol ac adroddiadau 2020-21 Cyfoeth Naturiol Cymru ar lifogydd (30 munud)

 

</AI5>

<AI6>

3.3   Amserlen busnes y Senedd ar gyfer y tair wythnos nesaf

Cytunwyd ar y newidiadau a ganlyn i amserlen Busnes y Senedd am y tair wythnos nesaf:  

 

Dydd Mercher 12 Gorffennaf 2023 –

 

• Dadl ar adroddiad y Pwyllgor Blant, Pobl Ifanc ac Addysg – Os nad nawr, pryd? Diwygio radical ar gyfer plant a phobl ifanc sydd â phrofiad o fod mewn gofal (60 munud)Dadl ar y cyd y Pwyllgor Deisebau a’r Pwyllgor Plant, Pobl Ifanc ac Addysg ar wasanaethau ar gyfer plant a phobl ifanc sydd â phrofiad o fod mewn gofal (60 munud) Ailenwyd

 

Dydd Mercher 20 Medi 2023 –

• Cynnig i nodi’r adroddiad blynyddol ar Gynllun Ieithoedd Swyddogol Comisiwn y Senedd ar gyfer 2022 – 23 (30 munud)
• Amser a neilltuwyd i’r Ceidwadwyr Cymreig (60 munud)
• Amser a neilltuwyd i Blaid Cymru (60 munud)
• Dadl fer (30 munud) 

 

 

</AI6>

<AI7>

3.4   Llythyr oddi wrth gadeiryddion y Pwyllgor Plant, Pobl Ifanc ac Addysg a'r Pwyllgor Deisebau ynghylch dadl ar y cyd ar adroddiadau yn ymwneud â phlant a phobl ifanc sydd â phrofiad o fod mewn gofal

Derbyniodd y Pwyllgor Busnes gais y pwyllgorau i gynnal dadl ar y cyd ar eu hadroddiadau yn ymwneud â phlant a phobl ifanc sydd â phrofiad o fod mewn gofal, gan gytuno i newid teitl y ddadl ar y Datganiad a Chyhoeddiad Busnes i adlewyrchu hynny. Nododd y Pwyllgor Busnes hefyd:

 

• y byddai’r cynnig ar gyfer y ddadl yn gofyn i’r Senedd nodi adroddiadau'r ddau bwyllgor; ac

• y byddai’r amser a ddyrennir i’r siaradwyr yn cael ei addasu i roi dau funud ychwanegol i Gadeirydd y Pwyllgor Deisebau, gan gydnabod y bydd yn cyflwyno adroddiad y Pwyllgor Deisebau, a dau funud ychwanegol i'r Llywodraeth ymateb i'r ddadl.

 

 

</AI7>

<AI8>

4       Deddfwriaeth

</AI8>

<AI9>

4.1   Diweddariad ar Femoranda Cydsyniad Deddfwriaethol

Cytunodd y Pwyllgor Busnes i gyfeirio Memorandwm Cydsyniad Deddfwriaethol y Bil Ynni i’r Pwyllgor Newid Hinsawdd, yr Amgylchedd a Seilwaith a'r Pwyllgor Deddfwriaeth, Cyfiawnder a’r Cyfansoddiad graffu arno, gan nodi mai 15 Medi oedd y terfyn amser ar gyfer cyflwyno adroddiad.

 

Nododd y Pwyllgor lythyr oddi wrth Gadeirydd y Pwyllgor Deddfwriaeth, Cyfiawnder a'r Cyfansoddiad Dros Dro at y Gweinidog Newid Hinsawdd yn mynegi pryder difrifol y Pwyllgor am oedi gan Lywodraeth Cymru wrth osod y Memorandwm Cydsyniad Deddfwriaethol.

 

</AI9>

<AI10>

4.2   Bil Diwygio'r Senedd - amserlen

Trafododd y Pwyllgor Busnes amserlen arfaethedig gan Lywodraeth Cymru ar gyfer ystyried Bil Diwygio'r Senedd, a chytunodd i ohirio’r penderfyniad ar y mater hwn nes ei fod wedi ystyried yn llawn y trefniadau ar gyfer craffu ar Filiau sy’n ymwneud â diwygio'r Senedd, ac wedi ymgynghori â'r Pwyllgor priodol ynghylch amserlen arfaethedig y Bil.

 

</AI10>

<AI11>

4.3   Craffu ar Filiau yn ymwneud â Diwygio’r Senedd

Trafododd y Pwyllgor Busnes opsiynau ar gyfer y dull cyffredinol o graffu ar Filiau yn ymwneud â Diwygio'r Senedd a chytunodd i sefydlu pwyllgor Biliau annibynnol, ac i gyfeirio’r ddau Fil sy’n ymwneud â diwygio'r Senedd at y Pwyllgor hwnnw ar gyfer gwaith craffu Cyfnod 1. Cytunodd y Pwyllgor Busnes y byddai'n ystyried cynnig i'r Senedd y dylai trafodion Cyfnod 2 gael eu cynnal gan Bwyllgor o'r Senedd Gyfan.

Cytunodd y Pwyllgor Busnes y byddai’n trafod ymhellach y goblygiadau posibl pe bai’r un Pwyllgor yn cael cais i fod yn gyfrifol am graffu ar Fil disgwyliedig ar weinyddiaeth etholiadol a Bil diwygio yn yr un cyfnod.

Roedd y rhan fwyaf o aelodau'r Pwyllgor Busnes yn cytuno y dylid gwahodd y grŵp Llafur i enwebu Cadeirydd ar gyfer y Pwyllgor. Cytunwyd hefyd y dylai'r Pwyllgor gynnwys pedwar aelod (dau o’r Blaid Lafur, un yr un o grwpiau’r Ceidwadwyr a Phlaid Cymru), ac y dylid ystyried ymhellach yr opsiynau ar gyfer cynnwys Jane Dodds. Cytunodd y Pwyllgor Busnes y byddai aelodaeth y Pwyllgor yn gytbwys rhwng y rhywiau.

Y tu allan i'r cyfarfod, bydd yr ysgrifenyddiaeth hefyd yn rhannu dadansoddiad â’r Rheolwyr Busnes o’r sefyllfa bresennol o ran cydbwysedd rhwng y rhywiau ymhlith cadeiryddion ac aelodau’r pwyllgorau.

         

</AI11>

<AI12>

5       Cyllideb Ddrafft Llywodraeth Cymru 2024-25

</AI12>

<AI13>

5.1   Llythyr oddi wrth y Gweinidog Materion Gwledig a Gogledd Cymru, a’r Trefnydd ynghylch yr amserlen ar gyfer cyhoeddi’r gyllideb ddrafft a’r gyllideb derfynol ar gyfer 2024-25

Trafododd y Pwyllgor Busnes yr amserlen arfaethedig ar gyfer cyhoeddi’r gyllideb ddrafft a’r gyllideb derfynol ar gyfer 2024-25 a chytunodd i ymgynghori â'r Pwyllgor Cyllid ar yr amserlen arfaethedig ac i ddychwelyd at y mater yn eu cyfarfod cyntaf yn nhymor yr hydref.

 

</AI13>

<AI14>

6       Rheolau Sefydlog

</AI14>

<AI15>

6.1   Trafod yr adroddiad drafft ar ddiwygio Rheolau Sefydlog: y Pwyllgor Diben Arbennig Ymchwiliad Covid-19 Cymru

Trafododd y Pwyllgor Busnes adroddiad drafft yn cynnwys cynnig am Reol Sefydlog dros dro ar Bwyllgor Diben Arbennig Ymchwiliad Covid-19 Cymru, a chytunodd arno. Bydd cynnig bod y Senedd yn cytuno ar y Rheol Sefydlog dros dro arfaethedig yn cael ei gyflwyno i'w drafod ddydd Mercher 12 Gorffennaf.

 

Cytunodd y Pwyllgor hefyd i ysgrifennu at y Bwrdd Taliadau Annibynnol i roi crynodeb o'r hyn a benderfynwyd ganddo ac i lywio trafodaethau’r Bwrdd ynghylch y trefniadau o ran tâl y Cyd-gadeiryddion.

 

</AI15>

<TRAILER_SECTION>

</TRAILER_SECTION>

<LAYOUT_SECTION>

1.          FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.          FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

 

<SUBNUMBER_LAYOUT_SECTION>

2.1          FIELD_TITLE

FIELD_SUMMARY

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2.2          FIELD_TITLE

</TITLE_ONLY_SUBNUMBER_LAYOUT_SECTION>